MOKABAT SA KAPIN P5 KA MILYON NGA MITIMBANG NGADTO SA DUL-AN TUNGA SA KILO NGA SHABU ANG NASAKMIT SA KAPOLISAN SUKAD NIADTONG OKTOBRE HANGTOD DISYEMBRE SA MIAGING TUIG.

DYRD LOCAL NEWS APRIL 2, 2016

MOKABAT SA KAPIN P5 KA MILYON NGA MITIMBANG NGADTO SA DUL-AN TUNGA SA KILO NGA SHABU ANG NASAKMIT SA KAPOLISAN SUKAD NIADTONG OKTOBRE HANGTOD DISYEMBRE SA MIAGING TUIG
Mokabat sa halos P1 milyon ang kantidad sa shabu sa kapin 77 ka gramo nga nasakmit sa kapolisan sa mga gipahigayong operasyon batok sa mga drug personality niadtong Enero karong tuiga dinhi sa lalawigan sa Bohol.
Kini ang gitaho ni Police Superintendent Lorenzo Batuan, hepe sa Operations Branch sa Bohol Provincial Police Office kon BPPO atol sa pinakaulahing tigum sa Provincial Peace and Order Council.
Gitaho ni Batuan nga kapin sa P5 milyon ang kantidad usab sa shabu nga mitimbang ngadto sa dul-an tunga sa kilo nga nahipos sa kapolisan sukad niadtong Oktobre-Disyembre 2015 diin 189 ka tawo ang nasikop sa 162 ka operasyong napahigayon.
Segun sa talaan sa Bohol Provincial Police Office, kapin sa P11.3 ka milyon ang kantidad sa halos usa 1 ka kilo niadtong 2015 ug kapin usab sa P19.3 ka milyon sa 1.6 ka kilo nga shabu niadtong 2014.

REPORT NI REY TUTAS
DYRD NEWS REPORTER